做自己就好 | 蘭花花精 Just Me、Findhorn Prosperity

分享人：R

花精：蘭花花精 Just Me、Findhorn Flower Essences Prosperity 

經驗：

偶然之下我初次接觸了"花精"，之後我嘅雙子座好奇心又發作，上網不停 search 鼠尾草呀，聖木，蠟燭呀時候。我認識了呢間鋪 GAIA。我見到網站上有好多我好有興趣又未接觸過嘅貨品，於是我即刻直搗黃龍去鋪頭買我想買嘅嘢。我就問店主有關花精問題，又仔細諗諗店主講緊咩？佢話好多人想解決嘅問題，並唔係真正真係要解決嗰樣嘢 ⋯⋯ 我覺得好深奧，有 d 似黎明講嘢咁，好 Q 難明佢講緊咩。佢介紹咗我做一個花精諮詢，我二話不說約時間，睇下係咪咁堅先？ 

經過咗花精諮詢，我得到左一支 Just Me，希望我可以做自己，唔好凡事只為別人著想，有時都諗下自己。唔好再比機會人地好似老馮咁搵我笨，亦唔好因為怕麻煩就成日自己想快啲解決咗件事，但係人家原來係唔領情。 結果，用咗兩日 Just Me，我就同咗一個我識左好多年嘅同事兼朋友，因工作上事情而鬧反左，仲要係好激爆粗嗰款完全無原諒餘地，事件上我角色係被我同事爆粗鬧居多。我就即刻 message 店主我有呢個反應好 shock，佢話我知可能係真正比機會我去認清呢個人，當你做自己時候唔遷就佢嘅時候佢就會反面，佢話如果我受唔住可以暫停唔好用住，但係呢個係一個反思有些事係需要喺過程中學習。

之後，我轉用咗其他花精防小人等等⋯⋯嗰啲唔提住， 我想提一提 Prosperity，我用咗呢支花精，無好似其他人咁有好誇張嘅反應，但前排又刨下店主文章時，我有感而發，我用呢支花精前，我覺得自己成日好似因為錢而好煩惱，因為我婚姻關係突變，我屋企人好想我買到樓，我自己亦好想早日有個安樂窩佢哋就會安心。我有正職只不過我對錢觀念唔強，我認為花費喺屋企人身上、去旅行玩、身邊人開心我就會全部奉獻，我覺得好迷茫。 我用咗一段時間呢個花精，我發覺我自己開始有目標去 Planning 點去用錢，點去儲錢？點樣做可以儲錢之餘又可以滿足我好喜歡去旅行嘅性格。我依家覺得我夠用之餘我又好滿足。

同時，我亦學懂我無需要再去理會一些無謂人，唔需要太在意人地睇我，因為依家嘅我可以做到理性地去了解呢一個人係咪真心對我好，有機會比我認清一啲小人，從過程中學習檢討自己不足。 店主亦提醒咗我，原來我一直做緊 Just Me 想我做到嘅野，亦給予我正面思維。我好興幸我能夠遇上花精&占星。這種神奇嘅意念，令我更了解我自己，感恩遇上 GAIA & 店主。 Thank You.