神奇擋開負面經驗 | Psychic Protection

分享人：Tod Tod

花精：Findhorn Flower Essences Psychic Protection

經驗：

在 11 月初的時候參加了花精麻瓜班，會參加的原因都係因為好奇，咩都想了解下試下咁。

其實之前都有嘗試過花精，好似隱約感受到影響但又唔太肯定。當時係疫情期間被迫 WFH，希望自己思緒唔好太浮太飄，想 Productive 啲行動力多啲，最後 suggest 我用水蕨花精 (Cerato) 鐵線蓮花精 (Clematis)。

對比之前輕飄飄咁發白日夢的開心感覺，使用初期竟然有啲 down down 地，係一種俾人扯返地面的感覺。最後我用咗大半枝就停咗，而家諗返可能「productive」同「行動力」唔應該係我當時嘅目標？

到 11 月頭見到花精麻瓜班又有興趣再試一次，今年健康出咗問題，控制到病情未去到好嚴重，但長期食藥加上體能差咗點都會對情緒有影響，最困擾係有時坐係安靜嘅 office 會莫名焦躁，暗啞底忟。所以一開始望住 Findhorn 花精 list，我係 target Calm Me Down，希望紓緩到情緒。但之後用肌力測試同靈擺test完，認為 Psychic Protection比較適合我，接觸過身心靈都知道信任好重要嘅，咁我都冇點糾結就決定帶走支 Psychic Protection，開放自己去體驗呢枝花精。

當日 workshop 之後其實有個活動要參加，已經有啲遲到但傾得開心有啲唔捨得走，咁我袋好枝花精準備走，Linda 就提議我立即開嚟用，噴完我就急急腳走啦，竟然！去到 lobby 就接到電話話唔使去個活動，而嗰個活動我係完全冇興趣去，又遠，只係為應酬下屋企人。心諗有冇咁快見效呀，嚇咗一跳。

過咗個幾月，已經用完枝 Psychic Protection，坦白講我係麻瓜，感應唔到能量，直覺時得時唔得嗰啲。不過我係呢個幾月都發生咗件好開心嘅事可以分享下，但真係好難講花精發揮到幾大作用 XD

之前提過我坐係 office 有時唔知點解會情緒不穩，焦躁，可能我真係好唔鍾意連續5日坐office，覺得好困身似坐監，長遠嚟講希望將來工作時間可以 flexible 啲。咁由 10月尾至 11 月，我 teammates 就因為不同原因 WFH，當時我就知機會嚟啦，決定等手上一個 project 完咗就同老闆申請一星期兩日 WFH。我簡直覺得呢個機會就放係面前好近好近，一伸手就會拎到，而事實又真係好順利，我而家已經唔需要坐足 5 日 office。以前我係比較細膽唔好敢爭取嘅性格，但關於呢件事我好有信心，直情覺得只要講出口就掂，可能花精都喺度幫緊手，唔知呢XD。

呢件事令我諗起 workshop 上一個 Psychic Protection 嘅分享，話用完令到個克人憎上司調走咗(印象中好似係)。我呢個 case 係我某程度離開咗個監獄，多咗自由。

店長按：

Psychic Protection 的確有助遠離負面經驗負能量人士，之前有寫一篇 Post 分享我如何用以 Psychic Protection 擺脫地獄 job，悄悄分享返相關 FB post XD

＿＿＿＿＿＿＿＿