精緒守護天使 | Saskia's Calm and Gentle、蘭花花精 Positive Flow

分享人：Penguin

花精：Saskia's Flower Essences Calm and Gentle、蘭花花精 Positive Flow

經驗：

話說我昨日放假又秋高氣爽，本應係休閒放鬆嘅一日⋯⋯

咁因為剛好前一天收到新訂購嘅花精，尋日朝我就去執下啲舊樽清返啲位放，咁啱見口服 Positive Flow 仲有些少(約一次份量)就好順手倒埋入口清左佢，然後就出門散下步買下野，到回家時收埋信件返去。

拆信時見到有某政府部門信件果刻，心入面突然有些少不安，一拆之下就見到今年連預繳係一個唔合理嘅大額數字(以前返全職每年加埋都無需交咁多，更何況我而家只係個要照顧兩老嘅兼職師奶)，即係要我拎晒一年兼職嘅收入去交呢個數，果下真心 shock，係拎住封信手都震埋果種。

當下果幾分鐘我腦海出現左好多個可能性同想法，甚至開始合理化件事：應該係無錯嘅，應該係以前有優惠啫。。。最後我腦海最清晰嘅一句係：我要冷靜左先，先可以處理到件事。然後下一秒，係拎返尋日剛到手嘅 Saskia’s  "Calm and Gentle" 花精出黎食。第一個好彩係，呢支我係買俾老公放公司嘅，但佢昨晚話帶半支返公司好啦，所以先剛好有半支响屋企俾我用得著。

食完我就去搵返啲文件出黎研究 (好彩我每年都有 keep record )，再即時打返去機構查詢(開始冷靜返啲)。再真心覺得好彩嘅，係好快有個有耐心同友善嘅小姐接聽，佢了解完我嘅情況就幫我 check 兼解釋返俾我知，因為我填錯左啲咩所以出現左呢個錯誤嘅結果，再逐步教我可以點做同填返咩表格交返俾佢地安排處理。收線果刻，我嘅情緒已經安穩返好多，就去上網逐步處理返件事。攪掂晒可以做嘅行動，我個人都無晒電，雖然件事要再等對方嘅處理同回覆，但心情卻難得的算係好快咁平安平穩。

突然覺得，做人隨時都有「意料之外」，當身邊有幫手加持下幸運順流同能即時穩定情緒嘅花精，真係好似多左兩位守護天使咁。事情要發生嘅總要發生，但能夠更冷靜順利咁解決，已值得感恩。