自我發現之旅 | 蘭花花精 Positive Flow、巴哈花精 Vervain、White Chestnut

分享人：Scorpio

花精：蘭花花精 Positive Flow、巴哈花精 Vervain、White Chestnut 

經驗：

2022年開始跟用噴嘅 Positive Flow，因為我好記得店長提過我話我無咩 gratitude，可能用Positive Flow 會幫到我。之後我今年又失業，我又因焦慮於是轉咗口服。之後 train 咗幾個月，我發現自己個人生都幾「豐盛」，呢個感覺真係之前完全無，例如我開始覺得每日嘅小確幸如此令我開心、以前我覺得呢d所謂小確幸好戇居，又例如我開始覺得原來我 d 朋友都好好好善良，我又幾幸福有 d 好正能量嘅家人，所有嘢加埋，又好似幾「豐盛」，雖然我唔知道自己早幾年係唔係，but 而家係。多謝店長嘅推薦，呢隻花精配合 5 Mins Journal 真係有 d 料到。

另外關於巴哈花精 Vervain。我都算堅持食咗都有大半年。我之前會 keep 住逼自己 do something，尤其係我失業啦、無所事事啦、焦慮啦、老闆比新任務嘅時候。我最近幾個月越來越開始認識自己，可能都因為失業啦。我開始會分解到其實自己工作能力或者工作成就係唔代表我自己本人價值，因為成日想實現自我價值，我就成日都想 do something。睇透咗呢件事之後，我同時又開始冷靜咗，少咗 chur 自己做嘢，反而係會抽離咗自己少少，做公司嘢就真係純為做嘢交功課，唔係努力證明自己價值。擺低咗少少呢件事之後我好似輕鬆咗少少。當然呢家份新工未到白熱化，我都未知道之後自己又會唔會過份 chur 自己 chur 到自己又病曬咁。but 少咗 chur slow down 咗之後，我開始對自己嘅認識又加深咗。

最後係 Gentian 嘅悲觀，我覺得呢個應該係最最最核心嘅我，好難搞㗎啦。我暫時放棄。But 自從店長形容咗我係阿焦之後，我就發現原來自己每次焦慮臨訓前都會好似阿焦咁 imagine 勁多畫面。店長上次介紹咗 White Chestnut 比我之後，我最近試緊夜晚返屋企臨瞓前食 6 滴，之後就可以一覺訓到大天光，完全無曬焦慮無曬失眠，仲瞓得好好㖭。