Sleep Actually 內服花精篇
Posted by Linda Lau on
小店天然助眠產品，針對各種情況。以下講一下分類，粗分係「外用」及「內服」，「外用」嘅主要的精油類、花精（/花藥）屬於「內服」。
講咗內服先。
花精的原理是 vibrational healing，簡單講係以花嘅頻率改善你嘅頻率，全天然、沒有副作用及不構成依賴。花精揀得啱可以好好用、好快，但前題真係要揀得啱，小店之所以有咁多唔同種類嘅助眠花精，就係因為失眠嘅原因真係人人不同。
Findhorn Flower Essences 嘅 Dreamtime 係比較大眾化／適合大多數人嘅助眠類花精，主打深層放鬆、短暫的生理時鐘失調，蘭花花精 Gentle Sleep 都係屬於同一類。（即係買唔到 Dreamtime 可以考慮到 Gentle Sleep 咁解）
蘭花花精另一款 Sleep Of Peace 針對嘅係瞓瞓下容易醒／淺眠型失眠，呢類人睡眠過程容易受到（可知或不可知的）干擾。
有一類人，一瞓落床，頭腦反而過份活躍，中醫歸為氣虛型失眠，蘭花花精 Boundless Peace，或 Bach Flower Essences White Chestnut，有助平靜思緒，個頭唔再轉轉轉。FYI White Chestnut 係店主嘅安眠靈丹，已經用咗幾支見底，$88 夠食成年抵到點！
Saskia’s Flower Essences 嘅 Breathe Deep Seek Peace 適合情緒比較執著嘅朋友，譬如返工發生咗啲嘢，好嬲個同事，嬲到影響睡眠，佢會幫你 let go 呢一類 emotional garbage。
如果想試花精，又唔係太想內服，Saskia’s Flower Essences 嘅 Easy Sleep Spray 係一支加入花精嘅薰衣草花水，適合噴喺枕頭／床嘅 Area，都係有助平靜思緒、安神放鬆。
－－－
揀花精嘅方法，最簡單就係根據自己情況判斷啦，如果識得用靈擺，用靈擺揀通常都準確。
但會唔會有啲情況係以上花精唔適用嘅呢，會！好多！店長本人曾經嚴重失眠 15 年（好返嘞而家），我會話假設你喺市面上揾唔到幫到你嘅助眠產品，咁你要 look into 嘅就唔係更多產品，而係導致你無法入眠嘅核心。呢個係一個諮詢 session 幫到嘅，我會同你深入探討有機會導致你睡眠問題嘅成因，提出花精、生活作息、心態調整等等各方面嘅建議，希望幫你瞓到靚覺。
簡單講，一啲 Ad hoc、因生活作息、氣候轉變而出現嘅短暫睡眠問題，係比較容易用助眠產品幫到；長時間失眠就要一定要從多方面著手，亦要心理準備療程會比較長。
譬如話啦，好多人都有「瞓瞓下易醒」嘅情況，有時未必係要用 Sleep of Peace，中醫角度同臟腑失調關係大。例如呢輪大家冇乜出去又成日喺屋企食多咗嘅時候（我晚晚 fb 都見到有打邊爐嘅～），試下晚餐食勁清都可能有幫助，脾胃失和都係導致淺眠易醒原因之一 －－ 早輪我本人就係咁嘞，skip 晚餐就瞓得返。